پاکستان دہشتگردی کیخلاف کارروائیاں مزید تیز کرے گا: وزیر دفاع خواجہ آصف

Free Online Image Converter Tool All Formats (JPG, WEBP, PNG, ICO, GIF, SVG)

وزیر دفاع خواجہ آصف نے افغان طالبان کے گمراہ کن بیان پر سخت ردعمل دیتے ہوئے کہا ہے کہ پاکستان کی سیاسی و عسکری قیادت میں مکمل ہم آہنگی پائی جاتی ہے، اور سرحد پار دہشت گردی کے خاتمے کے لیے فیصلہ کن اقدامات جاری رہیں گے۔ ایکس (سابق ٹوئٹر) پر جاری بیان میں خواجہ آصف نے کہا کہ افغان…

ان کے مطابق طالبان حکومت اندرونی اختلافات، دھڑے بندی اور عدم استحکام کا شکار ہے۔

وزیر دفاع نے کہا کہ خواتین، بچوں اور اقلیتوں پر جبر و ظلم طالبان کے اصل چہرے کو بے نقاب کرتا ہے۔

انہوں نے کہا کہ چار برس گزرنے کے باوجود طالبان حکومت اپنے عالمی وعدے پورے کرنے میں ناکام رہی ہے اور بیرونی ایجنڈے پر عمل پیرا ہے۔

خواجہ آصف کا کہنا تھا کہ افغانستان سے متعلق پاکستان کی قومی پالیسی پر سیاسی و عسکری قیادت مکمل اتفاق رائے رکھتی ہے، اور یہ پالیسی قومی مفاد کے ساتھ ساتھ علاقائی امن کے لیے بھی ہے۔

انہوں نے واضح کیا کہ پاکستان سرحد پار دہشت گردی کے خلاف فیصلہ کن کارروائیاں جاری رکھے گا۔ ان کے بقول، جھوٹے بیانات سے حقائق تبدیل نہیں ہوسکتے، اعتماد صرف عملی اقدامات سے بحال ہو سکتا ہے۔

یہ امر قابل ذکر ہے کہ پاکستان نے حال ہی میں افغان حکومت کے ترجمان ذبیح اللہ مجاہد کے گمراہ کن بیان کو مسترد کر دیا ہے۔

وزارت اطلاعات و نشریات کے مطابق استنبول مذاکرات سے متعلق حقائق کو افغان ترجمان نے توڑ مروڑ کر پیش کیا۔

وزارت اطلاعات نے بتایاکہ پاکستان نے افغان سرزمین پر موجود دہشت گردوں کی گرفتاری کا مطالبہ کیا، افغان فریق کے دعوے پر پاکستان نے فوری طور پر تحویل کی پیشکش کی اور واضح کیا دہشت گردوں کی حوالگی سرحدی انٹری پوائنٹس سے ممکن ہے۔

from Urdu News | پاکستان کی خبریں https://ift.tt/oBDdphP

Free Online Image Converter Tool All Formats (JPG, WEBP, PNG, ICO, GIF, SVG)