سر ویوین رچرڈز کی بیٹی رمیز راجہ پر کیوں پھٹ پڑی؟ اہم وجہ سامنے آگئی

Free Online Image Converter Tool All Formats (JPG, WEBP, PNG, ICO, GIF, SVG)

ویسٹ انڈیز کے سابق لیجنڈری کرکٹر سر ویوین رچرڈز کی بیٹی مسابا گپتا اپنے والد کیخلاف نسل پرستانہ مذاق پر قہقہہ لگانے پر رمیز راجہ پر پھٹ پڑیں۔

مشہور ڈیزائنر اور اداکارہ مسابا گپتا نے اپنے ٹویٹ میں پاکستان کرکٹ بورڈ کے سابق چیئرمین رمیز راجہ کو مخاطب کرتے ہوئے لکھا کہ آپ کی اس حرکت سے مجھے یا میرے والدین کو کوئی فرق نہیں پڑا لیکن آپکی اپنی ذہنیت کھل کر سامنے آگئی۔

انہوں نے لکھا کہ پاکستان کے قومی ٹی وی پر آپ کو ہنستے ہوئے دیکھ کر دکھ ہوا کیونکہ آپ جس بات پر ہنس رہے ہیں دنیا تیس سال پہلے اس پر ہنسنا بند کرچکی ہے۔

واضح رہے کہ یہ تنازع کچھ روز قبل نجی ٹی وی کے کامیڈی شو کے دوران پیش آیا تھا جس میں رمیز راجہ بطور مہمان شریک تھے۔

پروگرام کے دوران خاتون مزاح نگار نے ویوین رچرڈز کے بارے میں توہین آمیز مذاق کرتے ہوئے اُن کے لیے ’’کالیا‘‘ کا لفظ استعمال کیا جس پر رمیز راجہ سمیت مہمانوں نے قہقہہ لگایا تھا۔

پروگرام کے دوران خاتون نے ایک شعر سناتے ہوئے کہا کہ ’جو لڑکیاں خود کو کہتی ہیں ملکہ عالیہ، اس کو پھر ملتا ہے مسٹر کالیا‘۔

from سچ ٹی وی اردو - تازہ ترین خبریں https://ift.tt/fRwOe3y

Free Online Image Converter Tool All Formats (JPG, WEBP, PNG, ICO, GIF, SVG)