غزہ پر اسرائیلی جارحیت کا سلسلہ جاری، مزید 110 فلسطینی شہید

Free Online Image Converter Tool All Formats (JPG, WEBP, PNG, ICO, GIF, SVG)

غزہ میں اسرائیلی جارحیت کے نتیجے میں شہداء کی تعداد مسلسل بڑھ رہی ہے اور کئی علاقوں میں امداد نہ پہنچنے کے باعث بیماریوں نے بھی مظلوم فلسطینیوں کو گھیر لیا ہے۔ غزہ پر اسرائیل کی وحشیانہ کارروائیوں کے دو ماہ مکمل ہوگئے، دیرالبلاح، خان یونس، نصیرات اور بریج کیمپ پر اسرائیلی بمباری سے ایک روز میں مزید 110 سے…

7 اکتوبر سے اب تک غزہ میں انسانیت سوز اسرائیلی کارروائیوں کے نتیجے میں 7 ہزار سےزائد بچوں سمیت فلسطینی شہدا کی مجموعی تعداد 16 ہزار 248 جبکہ زخمی ہونے والوں کی تعداد بھی 43 ہزار 600 سے متجاوز ہو چکی ہے، اسرائیل کی بلاتفریق بمباری کے نتیجے میں تباہ ہونے والی عمارتوں کے ملبے تلے 7 ہزار 600 سے زائد افراد اب بھی دبے ہیں۔

غیر ملکی میڈیا کے مطابق یکم دسمبر کو جنگ بندی ختم ہونے کے بعد سے اب تک 1240 فلسطینی شہید ہو چکے ہیں جبکہ 7 اکتوبر سے جاری اسرائیلی حملوں میں شہید فلسطینیوں کی تعداد 16 ہزار 250 تک پہنچ گئی ہے۔

رپورٹس کے مطابق تازہ حملوں میں خان یونس کے علاقے پر اسرائیلی بم باری سے 40 جبکہ نصائرت کیمپ پر بم باری سے 10 فلسطینی شہید ہو گئے۔

غیر ملکی میڈیا کے مطابق غزہ کے کمال اسپتال میں 108 اور الاقصیٰ اسپتال میں 45 فلسطینیوں کی لاشیں لائی گئی ہیں۔

دوسری جانب ایک امریکی نیوز چینل نے بتایا ہے کہ اسرائیل کے غزہ پر حملے جنوری تک جاری رہنے کے امکان ہے جبکہ جنوری کے بعد غزہ میں اسرائیل کے ٹارگٹڈ حملے جاری رہیں گے۔

علاوہ ازیں اقوامِ متحدہ کی جانب سے کہا گیا ہے کہ غزہ میں انسانیت تاریک ترین لمحے سے دو چار ہے، اسرائیل غزہ کے ہر حصے کو بم باری کا نشانہ بنا رہا ہے۔

عالمی ادارۂ صحت (ڈبلیو ایچ او) کے مطابق سوا لاکھ فلسطینی سانس کی بیماری، 86 ہزار ہیضہ اور 12 سو یرقان میں مبتلا ہو چکے ہیں۔

ڈبلیو ایچ او کے مطابق 30 ہزار افراد کے شیلٹر میں ہر 400 افراد کے لیے صرف ایک بیت الخلاء ہے۔

from تازہ ترین بین الاقوامی خبریں | دنیا کی خبریں https://ift.tt/vQYLhsD

Free Online Image Converter Tool All Formats (JPG, WEBP, PNG, ICO, GIF, SVG)