کراچی: نجی ٹی وی کے معروف اینکر کار حادثے میں جاں بحق

Free Online Image Converter Tool All Formats (JPG, WEBP, PNG, ICO, GIF, SVG)

کراچی میں ٹریفک حادثے میں نجی ٹی وی کا اینکر جاں بحق ہوگیا، پولیس حکام کے مطابق گاڑی اوور اسپیڈ تھی۔

شارع فیصل پر آواری ہوٹل کے قریب تیز رفتار گاڑی فٹ پاتھ پر چڑھ گئی جس سے گاڑی میں سوار ایک شخص جاں بحق ہوگیا۔

پولیس حکام کا کہنا ہے کہ ابتدائی تحقیقات کے مطابق حادثہ تیز رفتاری کے باعث پیش آیا، مرنے والے کی شناخت عبداللّٰہ کے نام سے کی گئی جو کہ کئی نجی ٹی وی چینلز میں اینکر کے فرائض انجام دے چکا تھا۔

عبداللّٰہ نے حال ہی میں ایک یو ٹیوب چینل جوائن کیا تھا، پولیس نے قانونی کارروائی کے بعد لاش ورثا کے حوالے کردی، عبداللّٰہ لائنز ایریا کا رہائشی تھا۔ پولیس حکام کے مطابق واقعے کی مزید تحقیقات جاری ہے۔

گورنر سندھ کامران ٹیسوری، وزیراعلیٰ سندھ مراد علی شاہ، سینئر وزیر شرجیل میمن ،وزیر بلدیات سعید غنی نے حادثے میں اینکر عبداللّٰہ حسن کی ہلاکت پر دکھ اور افسوس کا اظہار کیا ہے۔

from Urdu News | پاکستان کی خبریں https://ift.tt/1d4DrP9

Free Online Image Converter Tool All Formats (JPG, WEBP, PNG, ICO, GIF, SVG)