بھارت کی جانب سے اگلے 24 سے 36 گھنٹوں میں پاکستان کے خلاف کسی ممکنہ کارروائی کا خدشہ ہے: عطا تارڑ

Free Online Image Converter Tool All Formats (JPG, WEBP, PNG, ICO, GIF, SVG)

وفاقی وزیر اطلاعات عطا تارڑ نے کہا ہے کہ مستند اطلاعات ہیں کہ بھارت اگلے 24 سے 36 گھنٹے میں پاکستان کیخلاف فوجی کارروائی کا ارادہ رکھتا ہے۔ انہوں نے کہا کہ بھارت فوجی کارروائی کیلئے پہلگام واقعے سے جڑے بےبنیاد اور خودساختہ الزامات کو بنیاد بنائےگا، پاکستان کی جانب سے کسی بھی قسم کی بھارتی فوجی مہم جوئی کا…

اپنے ایک بیان میں عطا تارڑ کا کہنا ہے کہ پاکستانی قوم اپنی خود مختاری اور علاقائی سالمیت کا ہر قیمت پر دفاع کرے گی، جنگ سے تباہ کن نتائج کی ذمہ داری صرف اور صرف بھارت پر عائد ہوگی۔

وفاقی وزیر اطلاعات کا کہنا ہے کہ پاکستان نے بھارت کو پہلگام واقعے کی سچائی کا پتہ لگانے اور محرکات جاننےکیلئے کھلے دل سے آزادانہ اور غیر جانبدارانہ تحقیقات کی پیشکش کی۔

ان کا کہنا تھا کہ پہلگام واقعے کی غیر جانبدارانہ تحقیقات سے فرار ہونا بذات خود بھارت کے اصل مقاصدکو بےنقاب کرتا ہے، پاکستان خود گزشتہ دو دہائیوں سے دہشت گردی کا شکار رہا ہے۔

عطا تارڑ نے کہا کہ پاکستان دنیا میں کسی بھی شکل میں دہشت گردی کی سخت مذمت کرتا ہے، پاکستان بھارت کا اپنے طور پر مدعی، منصف اور جلادکا کردار سختی سے مسترد کرتا ہے۔

انہوں نے کہا کہ بھارتی حکومت کا سیاسی مقاصدکیلئے عوامی جذبات کو بھڑکانا افسوس ناک ہے، بھارت نے خود تصادم کے راستے پر چلنے کا انتخاب کیا جو خطے اور دنیا کیلئے تباہ کن نتائج کا باعث ہوگا۔

 

from سچ ٹی وی اردو - تازہ ترین خبریں https://ift.tt/ihBnG0H

Free Online Image Converter Tool All Formats (JPG, WEBP, PNG, ICO, GIF, SVG)