سندھ، لاہور اور بلوچستان سے تین ججوں کا اسلام آباد ہائیکورٹ تبادلہ، نوٹیفکیشن جاری

Free Online Image Converter Tool All Formats (JPG, WEBP, PNG, ICO, GIF, SVG)

صدرمملکت نے لاہور، سندھ اور بلوچستان ہائی کورٹ سے ایک،ایک جج کو اسلام آباد ہائی کورٹ تبادلے کی منظوری دے دی، جس کے بعد وفاقی وزارت قانون نے نوٹیفکیشن بھی جاری کردیا۔ نوٹیفکیشن کے مطابق صدر مملکت آصف علی زرداری نے آئین کے آرٹیکل 200کے تحت لاہور ہائی کورٹ سےجسٹس سرفراز ڈوگر کی اسلام آباد ہائی کورٹ تبادلے کی منظوری…

صدر مملکت آصف علی زرداری کی جانب سے تینوں ہائی کورٹس سے تین ججوں کی اسلام آباد ہائی کورٹ تبادلے کی منظوری پر وزارت قانون نے بھی مذکورہ ججوں کی اسلام آباد ہائی کورٹ میں تبادلے کا نوٹیفکیشن جاری کر دیا۔

نوٹیفکیشن کے مطابق صدر مملکت آصف علی زرداری نے آئین کے آرٹیکل 200کے تحت لاہور ہائی کورٹ سےجسٹس سرفراز ڈوگر کی اسلام آباد ہائی کورٹ تبادلے کی منظوری دے دی۔

اسی طرح سندھ ہائی کورٹ سے جسٹس خادم حسین سومرو اور بلوچستان ہائی کورٹ سے جسٹس محمد آصف کا اسلام آباد ہائی کورٹ میں تبادلہ کردیا گیا ہے۔

سیکریٹری وزارت قانون راجا نعیم اکبر نے نوٹیفکیشن جاری کرتے ہوئے پرنٹنگ کارپوریشن آف پاکستان کو گزٹ نوٹیفکیشن جاری کرنے کے احکامات بھی جاری کر دیے ہیں جو بعد ازاں جاری کردیا گیا۔

خیال رہے کہ اسلام آباد ہائی کورٹ کے 5 ججوں نے اس سے قبل چیف جسٹس اور مذکورہ ہائی کورٹس کے چیف جسٹسز کو خط میں اسلام آباد ہائی کورٹ میں باہر سے ججوں کی تعیناتی نہ کرنے کا مطالبہ کیا تھا۔

اسلام آباد ہائی کورٹ کے سینئر جج جسٹس محسن اختر کیانی سمیت دیگر ججز نے مشترکہ طور پرخط میں کہا تھا کہ دوسری ہائی کورٹ سے جج نہ لایا جائے اور نہ چیف جسٹس بنایا جائے، اسلام آباد ہائی کورٹ سے ہی تین سینئر ججوں میں سے کسی کو چیف جسٹس بنایا جائے۔

عدالتی ذرائع نے بتایا تھا کہ خط کی کاپی صدر پاکستان، چیف جسٹس سمیت سندھ ہائی کورٹ، لاہور ہائی کورٹ اور اسلام آباد ہائی کورٹ کے چیف جسٹس کو بھی ارسال کی گئی ہے۔

واضح رہے کہ یہ پہلا موقع نہیں ہے کہ اسلام آباد ہائی کورٹ میں دوسری ہائی کورٹ سے ججوں کا تبادلہ کیا گیا ہو بلکہ اس سے قبل دوسری ہائی کورٹس سے تین جج اسلام آباد ہائی کورٹ کے چیف جسٹس بن چکے ہیں۔

اس سے قبل فروری 2008 میں جسٹس سردار اسلم کا لاہور ہائی کورٹ سے تبادلہ ہوا اور چیف جسٹس اسلام آباد ہائی کورٹ بنے، جسٹس ایم بلال خان 2009 میں لاہور ہائی کورٹ سے اسلام آباد ہائی کورٹ بطور چیف جسٹس ٹرانسفر ہوئے اور اس کے بعد جسٹس اقبال حمید الرحمان کو اٹھارویں ترمیم کے تحت اسلام آباد ہائی کورٹ کے دوبارہ قیام کے بعد ٹرانسفر کیا گیا اور آرٹیکل 200 کے تحت وہ چیف جسٹس تعینات ہوئے۔

اسلام آباد بار کونسل کا تینوں ججوں کے تبادلے کی مذمت

اسلام آباد بار کونسل نے دوسرے صوبوں سے تین ججوں کی اسلام آباد ہائی کورٹ تبادلے کی مذمت کی اور اس حوالے سے تحریک چلانے کا اعلان کرتے ہوئے کہا گیا کہ اسلام آباد بار کونسل، اسلام آباد ہائی کورٹ بار اور اسلام آباد ڈسٹرکٹ بار ایسوسی ایشن اس حوالے سے مشترکہ پریس کانفرنس کریں گی۔

اسلام آباد بار کونسل نے اعلامیے میں دیگر صوبوں کے ججوں کی اسلام آباد ہائی کورٹ میں تعیناتی پر تحریک کا اعلان کرتے ہوئے کہا کہ اسلام آباد بار کونسل کے وائس چیئرمین اور اراکین نے وزارت قانون و انصاف کی جانب سے جاری حالیہ نوٹیفکیشن کی سختی سے مذمت کی ہے۔

اعلامیے میں کہا گیا کہ یہ فیصلہ عدلیہ کی آزادی پر حملہ ہے اور اسلام آباد کی وکلا برادری کے حقوق اور نمائندگی کو کمزور کرتا ہے، اسلام آباد بار کونسل دوسرے صوبوں سے ججوں کے تبادلے کے اس فیصلے کی سخت مخالفت کرتی ہے۔

from سچ ٹی وی اردو - تازہ ترین خبریں https://ift.tt/bxlPWe0

Free Online Image Converter Tool All Formats (JPG, WEBP, PNG, ICO, GIF, SVG)