یورو یاسکوک بانڈ کے اجرا کا امکان رد، حکومت نے متبادل حکمت عملی اختیار کرلی

Free Online Image Converter Tool All Formats (JPG, WEBP, PNG, ICO, GIF, SVG)

حکومت نے رواں مالی سال میں یوروبانڈ یا سکوک بانڈ جاری کرنے کے امکان کو مسترد کرتے ہوئے متبادل حکمتِ عملی اپنالی ہے، جس کے تحت چینی مارکیٹ میں پانڈا بانڈ کے پہلے مرحلے کے اجرا کی تیاری مکمل کر لی گئی ہے، اور اس کے ذریعے 25 کروڑ ڈالر جمع کیے جائیں گے۔

ذرائع کے مطابق یہ پانڈا بانڈ جنوری 2026 کے وسط میں جاری کیے جانے کا امکان ہے، وزیراعظم آفس نے 31 جنوری تک اس اجرا کی باضابطہ منظوری دے دی ہے۔

اس پروگرام کے تحت دوسرا مرحلہ جس کا حجم 500 ملین ڈالر ہوگا، 30 جون 2026 سے قبل مکمل کیے جانے کی توقع ہے۔

اعلیٰ سرکاری ذرائع نے دی نیوز کو بتایا کہ پانڈا بانڈ تقریباً 4 فیصد شرحِ سود پر جاری کیے جانے کی امید ہے۔ پاکستان کو رواں مالی سال میں یوروبانڈ کی میچورٹی کے باعث دو بڑی ادائیگیاں کرنا ہیں۔

پہلی قسط 500 ملین ڈالر کی صورت میں ستمبر 2025 میں ادا کی جا چکی ہے، جبکہ دوسری ادائیگی اپریل 2026 میں واجب الادا ہوگی، جس کی مجموعی رقم 1.3 ارب ڈالر (ایک ارب ڈالر اصل رقم اور 300 ملین ڈالر منافع) ہے۔

دوسری جانب آئی ایم ایف نے بھی چینی مارکیٹ میں پانڈا بانڈ کے اجرا کے حکومتی ارادے پر کچھ تحفظات کا اظہار کیا اور سوال اٹھایا کہ اگر پانڈا بانڈ کے بڑے خریدار چینی بینک ہی ہوں گے تو حکومت کمرشل قرضے لینے کو ترجیح کیوں نہیں دیتی؟

اس پر پاکستانی حکام نے آئی ایم ایف کو آگاہ کیا کہ حکومت فنانسنگ کے ذرائع میں تنوع چاہتی ہے اور چینی مارکیٹ میں اپنی موجودگی کو گہرا کرنے کے لیے پانڈا بانڈ جاری کیا جا رہا ہے۔

from Urdu News | پاکستان کی خبریں https://ift.tt/SKNZUaT

Free Online Image Converter Tool All Formats (JPG, WEBP, PNG, ICO, GIF, SVG)