ٹرمپ کا مڈٹرم انتخابات میں ریپبلکنز کی کامیابی پر ہر بالغ امریکی کو 5 ہزار ڈالر دینے کا وعدہ

Free Online Image Converter Tool All Formats (JPG, WEBP, PNG, ICO, GIF, SVG)

امریکی صدر ڈونلڈ ٹرمپ نے وعدہ کیا ہے کہ اگر ریپبلکن پارٹی نومبر کے وسط مدتی انتخابات میں ایوان نمائندگان اور سینیٹ دونوں میں اپنا کنٹرول برقرار رکھنے میں کامیاب رہی تو ہر بالغ امریکی شہری کو 5 ہزار ڈالر دیے جائیں گے۔ ماہرین نے خدشہ ظاہر کیا ہے کہ اتنی بڑی رقم کی تقسیم سے حکومتی مالی بوجھ بڑھنے…

ٹرمپ نے ڈلاس میں ریپبلکن پارٹی کے مڈٹرم کنونشن سے خطاب کرتے ہوئے اس منصوبے کو ’’ٹرمپ ڈیوڈنڈ‘‘ کا نام دیا اور کہا کہ یہ رقم امریکا کے اندر خرچ کرنا ہوگی۔

تاہم صدر نے اس رقم کی ادائیگی کے لیے فوری طور پر کوئی واضح مالی منصوبہ پیش نہیں کیا۔ نائب صدر جے ڈی وینس نے بعد میں اشارہ دیا کہ امیر امریکیوں کو اس ادائیگی سے خارج کیا جاسکتا ہے اور محصولات سے حاصل ہونے والی آمدنی کو اس کے لیے استعمال کیا جاسکتا ہے۔

تجزیوں کے مطابق اگر تقریباً 240 ملین بالغ امریکی شہریوں کو 5 ہزار ڈالر دیے جائیں تو اس منصوبے کی لاگت تقریباً 1.2 ٹریلین ڈالر بنتی ہے، جبکہ تمام بالغ افراد کو شامل کرنے کی صورت میں تخمینہ اس سے بھی زیادہ ہوسکتا ہے۔ منصوبے پر عمل درآمد کے لیے کانگریس کی منظوری بھی درکار ہوگی۔

امریکا پہلے ہی بڑے بجٹ خسارے اور تقریباً 40 ٹریلین ڈالر کے قومی قرض کا سامنا کر رہا ہے۔ ماہرین نے خدشہ ظاہر کیا ہے کہ اتنی بڑی رقم کی تقسیم سے حکومتی مالی بوجھ بڑھنے کے ساتھ مہنگائی پر بھی دباؤ پڑ سکتا ہے۔

ٹرمپ کا یہ اعلان ایسے وقت میں سامنے آیا ہے جب ریپبلکن پارٹی آئندہ مڈٹرم انتخابات میں اپنی پوزیشن برقرار رکھنے کے لیے انتخابی مہم تیز کر رہی ہے۔ نومبر کے انتخابات میں ایوان نمائندگان اور سینیٹ دونوں کا کنٹرول داؤ پر ہے۔

from تازہ ترین بین الاقوامی خبریں | دنیا کی خبریں https://ift.tt/j9LqnvU

Free Online Image Converter Tool All Formats (JPG, WEBP, PNG, ICO, GIF, SVG)