امریکا میں رہائش پذیر 2 ہزار افغانیوں کا دہشت گرد تنظیموں سے تعلق کا انکشاف

Free Online Image Converter Tool All Formats (JPG, WEBP, PNG, ICO, GIF, SVG)

امریکا میں مقیم افغان شہریوں کے حوالے سے ایک تشویش ناک انکشاف سامنے آیا ہے، جس کے مطابق تقریباً دو ہزار افغان باشندوں کے دہشت گرد تنظیموں سے تعلقات کا شبہ ظاہر کیا گیا ہے۔ یہ انکشاف نیشنل انٹیلی جنس کی ڈائریکٹر تلسی گبارڈ نے امریکی میڈیا کو دیے گئے ایک انٹرویو میں کیا۔

انہوں نے بائیڈن انتظامیہ کے دور میں امریکا آنے والے افغان شہریوں کی اسکریننگ کے عمل کو سست اور غیر مؤثر قرار دیتے ہوئے اس پر سخت تنقید کی۔

تلسی گبارڈ کے مطابق آپریشن الائیز ویلکم کے تحت مجموعی طور پر 18 ہزار افغان شہری امریکا میں داخل ہوئے، تاہم اس دوران مکمل اور مؤثر جانچ پڑتال نہیں کی گئی۔

ان کا کہنا تھا کہ موجودہ مرحلے میں اس آپریشن کے تحت آنے والے تمام افغان شہریوں کی دوبارہ اور تفصیلی اسکریننگ کی جا رہی ہے، جس میں تمام متعلقہ ادارے شامل ہیں۔

انہوں نے مزید بتایا کہ ابتدائی تحقیقات کے مطابق امریکا آنے والے 18 ہزار افغان شہریوں میں سے تقریباً دو ہزار کے دہشت گرد تنظیموں سے براہ راست یا ممکنہ روابط سامنے آئے ہیں۔

نیشنل انٹیلی جنس کی ڈائریکٹر نے خبردار کیا کہ داعش اور دیگر دہشت گرد تنظیمیں مسلسل امریکی سرزمین پر حملوں کی منصوبہ بندی میں مصروف ہیں اور یہ گروہ امریکا میں ایسے افراد کی تلاش میں رہتے ہیں جو ان کے مقاصد کو آگے بڑھا سکیں۔ ان کا کہنا تھا کہ اسی وجہ سے اس خطرے کو نہایت سنجیدگی سے لیا جا رہا ہے۔

تلسی گبارڈ نے انٹرویو کے دوران یہ بھی کہا کہ گزشتہ چند برسوں کے دوران غیر قانونی طور پر امریکا آنے والوں کی تعداد میں بھی نمایاں اضافہ ہوا ہے جو ملکی سلامتی کے لیے ایک اور بڑا چیلنج بنتا جا رہا ہے۔

from تازہ ترین بین الاقوامی خبریں | دنیا کی خبریں https://ift.tt/a1JEwmT

Free Online Image Converter Tool All Formats (JPG, WEBP, PNG, ICO, GIF, SVG)